Компир манџа во експрес лонец

600 гр јунешко месо сечено на коцки (речи му на продавачот ќе го исече).

5 моркови средни,

1 тиквица,

10 компири помали (малку поголеми од јајце),

3 чешниња лук сецкани,

3 мали кромитчиња цели,

1/2 китка магдонос миен и сецкан,

1 лажица вегета,

1/2 лажиче сол,

1/5 лажиче ким мелен,

1/5 лажиче бибер,

Месото се става во лонецот без капакот да зоврие со 1/3 од лонецот вода .

Со кутлачка се вади пената.

Потоа се затвора со капакот од лонецот и се остава да врие(15 мин откако ќе почне да шишти ).

Се исклучува ринглата(ќе врие уште 10-15 мин и ќе престане да шишти).

Важно:

Не смее да се отвора додека не се сврти црното на капакот на ф т.е 0 и не престане да испушта пареа.

Ако сакаш побрзо да се излади и побрзо да ја испушти пареата се става лонецот во умивалник и се пушта чешмата да тече на него.

Додека врие и додека се лади се лупат и сецкаат морковите,компирите и лукот и се додаваат другите зачини.

Се додава вода да биде над зеленчукот околу 2-3 см но да не ја надминува ознаката максимум,или околу 3/4 од лонецот и се остава да врие околу 15 мин откако ќе почне да шишти.

Се исклучува и се остава на рингла да престане да шишти и да се олади

Обавезно црното над капакот да се сврти на 0,а црвеното малечко да биде спуштено доле(Кога врие тоа е горе и подзинато). 

 

 

ПЕЧЕНО СВИНСКО МЕСО

 

Околу 2 кг свинско месо премачкај го со сол,бибер и зејтин од вечер и стави го во пекач во фрижидер. 

Другиот ден додај во пекачот кај месото 1 чаша бело вино и 1 чаша вода. 

Печи на 200 степени 2 часа,а потоа извади го пекачот,сврти го месото и печи уште 1 час на 180 степени.

Вака се добива убаво меко печење. 

ПОДВАРОК СО СВИНСКО МЕСО

 

Околу 1 кг свинско месо на парчиња стави во тенжере со малку зејтин и динстај околу 1 час на средна температура со повремено мешање.

Извади го месото во чинија и во тенжерето каде што се динсташе месото додај ситно исецкана кисела зелка (може да се сецка во сецко) , пржи ја малку да го намали волуменот и додај зачини по желба.

Потоа во длабокиот плех од шпорет сипи  половина од зелката ,стави го месото врз неа и најгоре другата половина од зелката.

Стави го плехот во загреана рерна на 200 степени  и покри го со плиткиот плех.

Печи 1 час на 200 степени. 

КОМПИР МАНЏА

 

Во тенжере со малку зејтин динстај кромид со свинско месо околу 1 час.

Додека се динста месото измиј,излупи и исецкај компири кои треба да ги ставиш во вода за да не потемнат.

Во сецко исецкај 2 моркови,мало парче целер и пашканат.

Додај ги морковите кај месото и пржи уште малку .

Додај црвен пипер 1 лажиче и додај ги компирите со водата.

Додај и други зачини по желба (сол,бибер,вегета, 2-3 ловорови листови,ким) и вари додека омекнат компирите.

Пред крај додај околу 150 гр кечап.