Колач со спанаќ (голем)

6 јајца (прво се матат белките),

200 мл зејтин,

250 мл јогурт,

1,5 чаша од кисело млеко брашно помешано со 1,5 прашок за пециво,

250 гр сирење,

2кг спанаќ (исчистен обарен и исцеден во метална цедалка,а потоа кога ќе се излади исецкан).

Се меша по наведениот редослед,а потоа се пече на 200 степени во плех од шпорет обложен со хартија за печење , 40-45 минути.

ПРЖЕНА УРДА СО ЈАЈЦА

Се кршат јајца (може по едно за секој ).

Се матат ,се додава урда и убаво се измешува.

Се истура во тава со загреан зејтин и се пржи .

Пред служење се додава јогурт и се измешува.

Со додавање на јогурт нема да се запира урдата.

КОМПИР МАНЏА

За компир манџа треба да се свари месо кртина околу пола килограм со малку сол.

Треба да се вари додека омекне повеќе од саат ипол .Потоа се додаваат сецкани компири и моркови и се вари додека не омекнат.

Во тава се пропржува кромид и по кратко време може да му се додаде пиперка сецкана и пак се пржи уште малку ,а потоа се додава црвен пипер 1 лажиче и веднаш се истура кај месото со компири.

Се додаваат и зачини пр.сол, магдонос,вегета лук,бибер,ким (мелен) а може и 1 лажица брашно изматено во 1 шољичка вода.

При крај се додава и една шољичка кечап.

Се вари уште малку и на здравје се разбира.

Летна манџа во зима.

Во тава се става зејтн ,смрзнати сецкани пиперки  и кечап.Се динста додека омекнат пиперките а потоа  се додаваат матени јајца со малку сол.

Се меша на оган уште малку додека се сварат јајцата.

 

За ова треба порано (кога ги има повеќе) да се стават сецкани пиперки во замрзнувач ,а по вкус може пиперките да се лути.