Полнети модри патлиџани

Потрбно е:
1/2 кг мешано мелено месо
100 гр ориз,
1 кромид,
3 чешниња лук,
2 зелени пиперки,
2 моркови,
6 -8 модри патлиџани ( зависно од големината),
кечап,магдонос,бибер,црвен пипер,сол и
 сув зачин по желба.

Се сечат по должина модрите патлиџани и се издлабуваат.Внатрешноста се сецка и се посолува.
Се сецкаат кромидот и лукот и се запржуваат.Се додаваат сецкани пиперки и рендани моркови,малку се пропржуваат и се додава меленото месо и исцедена внатрешност од модрите патлиџани.
Се пропржува додека ја промени бојата месото а потоа се додаваат зачините.
Се полнат издлабените патлиџани и се поклопуваат со соодветната половина.
Се редат во пекач и се печат во загреана рерна на 220 степени околу 1 час.

Јагнешко со ориз

Се вари јагнешко месо да омекне малку.
Во тенџере на зејтин се пропржува кромид,се додава требен и исплакнат со ситна (да не испаѓаат зрната) голема цедалка ориз и се запржува малку .Може да се додадат ситно сецкани моркови.
Се додаваат зачини по желба ( зачинал,сол,бибер,магдонос ) и се става во тепсија .
Тука се става врела процедена супа во која се варело месото и се става во рерна да се вари.По извесно време кога ќе изврие водата се вади тепсијата ,се додава уште вода и месото и се враќа во рерна додека не омекне оризот.

Супа со кнедли

Во процедена течност во која се варело месо (јагнешко или јунешко со коски ) се ставаат рендани моркови,пашканат,целер и компири (најлесно сецкани со сецко) и се варат малку а потоа се додаваат кнедли од гриз кои се прават на следниот начин:
Се мати со лажица една белка ,и со матење се додаваат жолчката , 5 лажици зејтин ,6 лажици гриз  и 1 лажиче вегета.
Се остава малку да се згусне и потоа со мало лажиче се вади од смесата и се спушта во врелата супа.
Се додаваат 2 листа лорбер,бибер, сол,вегета или зачинал .
Врие додека се сварат кнедлите.

Пита со зелка - посна

Се меси средно тесто (од 800 гр брашно) со вода,1 лажиче сол,3 лажици зејтин,1 лажица бел оцет,малку стасан квасец и се остава 1/2 час да се одмори.
Потоа се земаат по три топчиња помали од тупаница и се расукуваат колку чинија.
Едното и другото се премачкуваат со зејтин и се попрскуваат со брашно и врз него се става третото и се сучи кора.Може да се попрска со зејтин и се става испржена зелка  (ако е свежа зелката се додава патлиџан или малку кечап) и се витка во ролат кој се става во подмачкан плех од шпорет.Кога на овој начин ќе се спремат сите ролати се попрскуваат со зејтин и се ставаат да се печат.
Се пече на 190 степени околу 30 минути

Zelnik

 700-800gr brasno

1/2 svez kvasec

1 lazicka sol

450 ml voda

200 gr puter

Se mesi testo i odmara 10-15 min.

Se deli na dva dela (edniot malku pogolem)

Se rasukuva kruzna kora od pogolemiot del ,se macka so 1/3 od omeknat puter,se obelezuva krug kolku pomala tacna vo sredinata ,se secka na 8 dela kruzniot prsten i sekoj od osumte delovi se vracaat na kaj krugceto stavajci gi eden vrz drug.Taka formiranoto kupce se stava 15 min vo frizider.

Isto se postapuva i so pomaliot del i se stava 15 min vo frizider.

Se zema pogolemiot del ,se rasukuva kora malku pogolema od tepsijata i se stava fil (moze seckan 1/2 kg spanac pomesan so 3 mateni jajca i narosen so drobeno sirenje).

Se rasukuva pomalata kora i se stava vrz filot.

Od delot sto e pogolem od tepsijata se pravi vitka i se premackuva so preostanatata 1/3 od puterot.

Se pece.

Пита без квасец

Од 800 гр брашно (за голем плех) со малку зејтин, 1 лажица оцет,сол и вода
се замесува тесто.
Се удара околу 40 пати и одмора 1/2 саат.
Се дели на два дела и едниот се остава покриен да не се суши.
Од другиот се прават 12-13 топчиња.
Тие се расукуваат и се мачкаат со мешавина од зејтин и маргарин или путер и се редат едно врз друго (последното не се мачка).
Се прави кора поголема од тепсијата и се става во тепсијата (плехот) обложен со хартија за печење.
Се става фил (пржен праз или обарен спанаќ или пржена зелка со малку кечап ако е пресна или лук со кисело млеко).Од горе другата кора подготвена од оставеното тесто на ист начин.
Се прави витка и се пече околу 1/2 час на 190-200 степени.